Protein Cream of Rice
The new strong Cream of Rice with Protein
How to prepare
طريقة التحضير
- حط سكوب من الخليط بالصحن
- اضافة ماء حار او حليب ضعف كمية الخليط
- الخلط باستمرار.. وبالعافية
الميكرويف اختياري لمدة دقيقة واحدة — اسرع وجبة دايت تقدرون تسونها، ما يحتاج اي معدات
Recipe guide
١٥ وصفة بنفس السكوب — من الريوق للحلا
🍚The classic bowlالطريقة العادية — ساخن
المكونات
- سكوب (٤٥ غرام) بروتين كريم اوف رايس
- ٩٠ مل ماي حار او حليب (ضعف الخليط)
الطريقة
- حط السكوب بالصحن وصب السائل الحار عليه
- حرك باستمرار لمن يصير كريمي
- تبيه اسمك؟ ميكرويف دقيقة وحرك مرة ثانية
🥣Overnight jarاوفر نايت جار — بارد
المكونات
- سكوب بروتين كريم اوف رايس
- ١٢٠ مل حليب بارد
- اختياري: ملعقة زبادي يوناني، فواكه
الطريقة
- حط السكوب والحليب بجار وحرك زين
- سكر الجار وخله بالثلاجة طول الليل
- الصبح حرك وحط الفواكه فوق
🍨Protein puddingبودنق بارد — بدون انتظار
المكونات
- سكوب بروتين كريم اوف رايس
- ٩٠ مل ماي مغلي
- ٢ ملاعق زبادي يوناني
الطريقة
- حضر السكوب بالماي المغلي مثل الطريقة العادية
- خله يبرد دقيقتين واخلط الزبادي معاه
- ثلاجة ١٥ دقيقة ويصير بودنق
🥤Shakeشيك قبل التمرين
المكونات
- سكوب بروتين كريم اوف رايس
- ٢٥٠ مل حليب بارد
- نص موزة + ٣ مكعبات ثلج
الطريقة
- كل شي بالخلاط لمدة ٣٠ ثانية
- اشربه على طول قبل لا يثخن
🍦Protein ice creamآيس كريم
المكونات
- سكوب بروتين كريم اوف رايس
- ١٥٠ مل حليب
- موزة مجمدة مقطعة
الطريقة
- اخلط السكوب والحليب وصبه بقالب مكعبات ثلج
- فريزر ٤ ساعات او طول الليل
- المكعبات والموز بالخلاط لمن يصير كريمي — وكله على طول
🏀Energy bitesكرات طاقة — بدون فرن
المكونات
- سكوبين بروتين كريم اوف رايس
- ٣ ملاعق زبدة فول سوداني
- ٢–٣ ملاعق حليب
- اختياري: جوز هند مبشور للتغليف
الطريقة
- اخلط السكوب وزبدة الفول والحليب لمن تصير عجينة متماسكة
- سوي كرات بحجم الجوزة ودحرجها بجوز الهند
- ثلاجة ٣٠ دقيقة وتتماسك
☕Mug cakeمق كيك
المكونات
- سكوب بروتين كريم اوف رايس (البراوني الافضل)
- بيضة واحدة
- ٣ ملاعق حليب
- ربع ملعقة صغيرة بيكنق بودر
الطريقة
- اخلط كل شي داخل المق بالشوكة
- ميكرويف دقيقة ونص على قوة عالية
- الوسط لازال طري؟ ٢٠ ثانية زيادة
🍫Lava cakeلافا كيك — قلب سايل
المكونات
- نفس عجينة المق كيك بنكهة البراوني
- مربع شوكولاتة دارك او ملعقة زبدة فول سوداني
الطريقة
- صب نص العجينة بالمق
- حط الشوكولاتة بالنص وغطها بباقي العجينة
- ميكرويف دقيقة و١٠ ثواني بس — الوسط لازم يبقى طري
🍜Savory bowlمالح — بدل العيش العادي
المكونات
- سكوب بروتين كريم اوف رايس — البيرثدي كيك (اخف نكهة)
- ٩٠ مل ماي حار
- بيضة مقلية + رشة ملح وفلفل اسود + صوص حار
الطريقة
- حضر السكوب بالماي مثل العادة
- حط فوقه البيضة والملح والفلفل والصوص
🥞Protein pancakesبانكيك
المكونات
- سكوب بروتين كريم اوف رايس
- بيضة واحدة
- ٦٠ مل حليب
- نص ملعقة صغيرة بيكنق بودر
الطريقة
- اخلط كل المكونات لمن تصير عجينة ناعمة
- خلها ترتاح ٣ دقايق (الرز يشرب الحليب)
- مقلا نونستيك على نار هادية، صب حبات صغيرة
- دقيقة ونص لكل صوب لمن تطلع فقاعات
🧇Wafflesوافل
المكونات
- نفس عجينة البانكيك + ملعقة صغيرة زيت جوز هند (عشان القرمشة)
الطريقة
- سخن مكينة الوافل زين وادهنها خفيف
- صب العجينة وسكر ٣–٤ دقايق لمن يوقف البخار
- لا تفتح المكينة بدري — ينقسم
🍞French toastفرنش توست
المكونات
- نص سكوب بروتين كريم اوف رايس (السينامون رول او البيرثدي كيك)
- بيضة واحدة
- ٦٠ مل حليب
- ٢ توست (الأفضل من أمس)
الطريقة
- اخفق البيض والحليب والخليط بصحن مسطح
- غطس كل توست ٥ ثواني من كل صوب
- مقلا نونستيك على نار متوسطة، ٢ دقيقة لكل صوب
🥯Crepe / tortillaكريب او تورتيلا
المكونات
- سكوب بروتين كريم اوف رايس
- بيضة واحدة
- ١٠٠ مل حليب (العجينة لازم تكون سائلة)
الطريقة
- اخلط زين لمن تصير مثل الكريمة السائلة
- مقلا نونستيك على نار متوسطة، صب طبقة رقيقة ودور المقلا
- دقيقة للصوب الاول، ٣٠ ثانية للثاني
🍪Soft cookiesكوكيز
المكونات
- سكوبين بروتين كريم اوف رايس
- بيضة واحدة
- ٢ ملاعق زبدة فول سوداني
- ملعقة حليب
- ربع ملعقة صغيرة بيكنق بودر
الطريقة
- اخلط كل شي لمن تصير عجينة متماسكة
- سوي ٦ كرات واضغطها شوي على ورق زبدة
- فرن ١٨٠ درجة لمدة ١٠–١٢ دقيقة (او اير فراير ١٦٠ لمدة ٨ دقايق)
- خلها تبرد ٥ دقايق قبل لا تشيلها
🧁Muffinsمفن / كب كيك
المكونات
- سكوبين بروتين كريم اوف رايس
- بيضتين
- ٨٠ مل حليب
- نص ملعقة صغيرة بيكنق بودر
- اختياري: موزة مهروسة او توت
الطريقة
- اخلط كل شي لمن تصير عجينة ثقيلة شوي
- وزعها على ٤ قوالب سليكون او ورق
- فرن ١٨٠ درجة لمدة ١٥–١٨ دقيقة لمن يطلع العود نظيف
🍩Baked donutsدونت بالفرن
المكونات
- نفس عجينة المفن (البيرثدي كيك الافضل)
- قالب دونت سليكون
- للتغطية: زبادي يوناني مع شوية خليط ناشف من نفس النكهة
الطريقة
- صب العجينة بالقالب لنصه بس — تنتفخ
- فرن ١٨٠ درجة لمدة ١٢–١٤ دقيقة
- خلها تبرد تمام قبل التغطية
🍫Brownie barsبراوني بار — حق الاسبوع
المكونات
- ٣ سكوبات بروتين كريم اوف رايس براوني
- بيضتين
- ١٢٠ مل حليب
- ٣ ملاعق زبدة فول سوداني
- نص ملعقة صغيرة بيكنق بودر
الطريقة
- اخلط كل شي وصبه بصينية صغيرة مبطنة بورق زبدة
- فرن ١٨٠ درجة لمدة ١٨–٢٠ دقيقة — الوسط يبقى طري
- خلها تبرد تمام وقطعها ٨
المقادير تقريبية — عدل الحليب حسب القوام اللي تحبه. القيم الغذائية للسكوب موجودة بالاسئلة تحت
What customers say
آراء العملاء
مو دعايه بس والله اقوى منتج جربته من ناحيه طعم البروتين انسى
يعطيكم العافية اول شي ثاني شي صاير ادمان للعلم بس انا ما احب cream of rice ولا عمري كليت بس اللي خلاني اجرب منتجكم لان معاه بروتين و حالي و انا شخص ماياكل كلش مع اني athletic بس مشكلتي الاكل ما اقدر اكمل احتياج البروتين قلت اجرب منه كارب لاني اركض و منه بروتين اسمحولي اقول ابدعتوا مو مجاملة و صاير وجبتي اليومية و ما امل صرت انطر الريوق عشانه
ترا المنتج قوي جدا ماشا الله، الله يوفقكم سكر ملفات كل البراندات الاجنبية
باختصار شديد، منتج جبار اهنيكم وشي ماله حل قوييي ولذيذ وقوامه روعه
خليت كل البيت يستخدمه ومنهمم ما يروحون النادي شي جبار قواكم الله
١٠/١٠ الصراحة احلى من الكريم اوف رايس العادي
شي يشرف انه كويتي توقعت انه اي منتج بروتين وكارب لا يمكن يكون بهالمستوى
بروتين كريم اوف رايس قوي واقوى من العادي سويت كل واحد بروح هذا احلى // ٢٠ من ١٠
يفوز الطعم شي خيالي، انا اركض بشكل يومي وبصراحه ووايد فرق معاي قبل التمرين وايد خلا طاقتي تزيد شي جبار
والله العظيم ١٠ من ١٠ بدون مبالغه لانه احسن من ما توقعت
انا ماحب البيرثدي كيك بولا شي حتى بس والله حببتوني فيها حيل النكهة حيل قوية ويازتلي وايد
قلت السعر غالي وانا مجرب اللي بالسوق وايد طلع خيالي ولذيذ وما فيه افتر تيست مال السكر المحلي وراح اعتمده وكل ما يخلص بطلب واحد يسوى والله يسوى
You ask, we answer
اسئلة واجوبة
تاريخ صلاحية المنتج
سنة كاملة
شنو النكهات اللي توفرونها؟
بروتين كريم اوف رايس:
البراوني · البيرثدي كيك · السينامون رول · الفول السوداني مع قطع الفول · التوت الازرق مع الفول السوداني · ماتشا كلاود · سولتد كراميل
Ice Cream Protein Cream of Rice — آيس كريم (٢ سبتمبر):
Peanut Butter & Jelly · Cookies & Cream — يتحضر بحليب بارد بس
نوع البروتين الموجود فيه؟
وي ايزوليت بروتين
طريقة التحضير
اضافة ماء حار او حليب ضعف كمية الخليط، الخلط باستمرار، الميكرويف اختياري لمدة دقيقة واحدة
شنو نقدر نسوي بالخليط غير طريقة التحضير العادية؟
وافل، بانكيك، مفن، كب كيك، مق كيك، تورتيلا، كريب، فرنش توست، كوكيز، اوفر نايت جار، دونت.. واكثر — شوف دليل الوصفات فوق
شنو حجم المنتج؟ جم سكوب؟ شنو القيم الغذائية لكل سكوب، جم يكفيني المنتج لو استخدم سكوب كل يوم؟
حجم المنتج كيلو واحد
ويحتوي على ٢٢ سكوب
كل سكوب (٤٥ غرام): اقل من ١٨٠ سعرة حرارية ويحتوي على ٢٤ نت كارب و ١٤ غرام بروتين
لو تستخدم سكوب واحد، يكفيكم لمدة ٢٢ يوم
هل هو مناسب لزياده العضلات او خسارة الوزن؟
نعم، البروتين كريم أوف رايس مناسب للهدفين لأنّه يعطيك مزيج مثالي من الكارب سريع الامتصاص مع بروتين عالي الجودة:
لزيادة العضلات: يرفع طاقتك قبل التمرين ويزود جسمك ببروتين يساعد على بناء العضلات بعد التمرين.
لخسارة الوزن: سعراته منخفضة، مشبع، وسريع الهضم بدون أي ثقل أو انتفاخ، فيساعدك تتحكّم بالسعرات بدون ما تجوع.
منتج واحد يخدم هدفين على حسب استخدامك واحتياجك
قلوتين فري؟
نعم، لا يحتوي على القلوتين
شنو السعرات الحرارية و الماكروز؟
لكل سكوب (45 غرام)
البراوني: 173 سعرة حرارية — 14 غرام بروتين — 24 نت كارب — 1.8 سكر — 1.8 فات
البيرثدي كيك: 167 سعرة حرارية — 14 غرام بروتين — 24 كارب — 0.5 سكر — 1.4 فات
السينامون رول: 166 سعرة حرارية — 15 غرام بروتين — 22 نت كارب — 0.6 سكر — 0.9 فات
الفول السوداني: 197 سعرة حرارية — 15.6 غرام بروتين — 22.5 نت كارب — 5.0 سكر — 5.0 فات
شنو المكونات؟
رز مطحون
ملح
بودر كاكاو
بروتين
محلي
شنو هذا البروتين كريم اوف رايس بالظبط، بروتين ولا بروتين وكارب مع بعض؟
تخيل عيش مطحون ومعاه بروتين
مع بعض مخلوطين بنكهة البراوني والبيرثدي كيك
تحط سكوب وتخلطه مع ماي حار او حليب وتاكل على طول
يعني بروتين وكارب مع بعض بدون لا تدش المطبخ وتقص وتسوي
اقل من 175 سعره حرارية وبطعم مستحيل
هذا باختصار